Tura, Nailar 12: Uwei u nongiasaid ain na Guwahati ula shah kem ha North Garo Hills namar ka jingaiti da ka hukum ba shu thok jong ka Iingkashari na ka bynta u nongphah iasaid halor ka case ha Ri-lum Garo.
Ha ka 10 tarik Nailar, une u nongiasaid ain ba kyrteng u Kunam Kanti Saha Roy na Guwahati ula shah kem ba sor Resubelpara, North Garo Hills namar ka jingsoi bad shon tuh ia ka muhor ha ka kyrteng u Judicial Magistrate na ka bynta u nongphah iasaid ia ka case ba la register hapoh ka Bajengdoba Police Station.
U Judicial Magistrate First Class ula mudui da ka ejahar pyrshah ia une u nongiasaid ain kaba la register ha Resubelpara PS hapoh ka kyndon 465/ 466/ 467/ 468/ 471/ 472/ 34 IPC.
Ka kynhun ki Pulit na North Garo Hills ba la ialam da u Dy.SP kala leit khynra ruh ia ka iing jong une u nongiasaid ain ha Guwahati bad ioh kurup ia ki tiar ki tar bala pyndonkam ban shna ia kane ka hukum thok.
Une u Nongiasaid ain u don mynta hapoh ka Police Custody bad ka jingtohkit kala iaid shakhmat.
