Shillong, Jylliew 24: Ka tnat Meghalaya Energy Corporation Limited (MeECL) shen kan sa leh iaka jingwad bniah lane Survey ha baroh kawei ka Jylla Meghalaya ban lum jigntip, iaka jingdon ki shnong ki bym pat don bording.
Ia kane la pyntip da u Myntri ka tnat Bording u AT Mondal haba bynrap ba kadei ka thong jong ka Sorkar MDA ban pynpoi bording sha baroh ki shnong hapoh ka Jylla Meghalaya.
U Mondal ula pyntip ia kane hadien ka jingwan iakynduh u MLA bad MDC ka Mawhati Constituency Bah Charles Marngar uba la wan pynsngew halor ka jingbym pat ioh bording haduh 7 tylli ki shnong hapoh ka thain Umsiang Ri-bhoi district.
“Haka jingshisha ngi la dep leh iaka jingwad bniah lane ka survey halor ka jingdon ki shnong ki bym pat ioh bording hynrei watla kata ruh, ka tnat kan sa leh biang naka bynta ban pynthikna ba baroh ki shnong hapoh Meghalaya kidei ban ioh bording” ong u Mondal haba iakren bad ki nongthoh khubor.
U Myntri ka tnat Bording ula kubur ruh baka don ka jingduna nongtrei hapoh MeECL bad ula bynrap “Ngan sa shimkhia halor kane ka bynta bad shen ngin sa thung iaki briew khamtam ki Lineman ban peit hala ki shnong ban pynbiang bording shaki paidbah”.
“Hooid ka kam ban pynioh bording ia baroh ki shnong hapoh ka Jylla ka shim por hynrei ngi la kut jingmut ba baroh ki shnong kidei ban ioh bording. Ngin ialeh katba lah ban pynioh bording lut iaki shnong jong ka Jylla namar wat u Myntri Rangbah ka Jylla ula dep ban kren hapoh ka iingdorbar thaw ain baka Sorkar kan pynthikna ba baroh ki shnong hapoh Meghalaya kidei ban ioh bording” ula bynrap.
 shen kan sa leh iaka jingwad bniah lane Survey ha baroh kawei ka Jylla Meghalaya ban lum jigntip, iaka jingdon ki shnong ki bym pat don bording.){kind=link}