Shillong, Jylliew 17: Da ka jingiatreilang hapdeng ki BSF bad ki pulit ban ialeh ban tehlakam ia ki kam khaïï be-aiñ ha ki khappud bad ka ri Bangladesh, haka sngi u Blei, ki BSF bad ki pulit kila ioh kurup 19000 Kg ka shini na Rongra, kaba thmu ban khaïï be-aiñ sha ri Bangladesh.
Hadien ba ki BSF bad ki pulit kila ioh ia ki jingtip kiba thikna, kila pynlong ia ka jingkhynra ha ka thaiñ Rongra, South Garo Hills district bad kila ioh kurup ia ka shini kaba don 19000 Kg na kawei ka ïingjah kaba don hajan khappud bad ka ri Bangladesh.
Ia katei ka shini kaba la ioh kurup la aiti noh sha ki pulit jongka Rongra Police Station ba kin leh ia kaba donkam.
