Shillong, Jylliew 10: Daki spah ngut ki nong shong shnong ka thain Ri-bhoi District khamtam naka thain Umden, Nongpoh bad ki shnong marjan kila wanpoi sha Additional Secretariat ban ai mynsiem iaka Kong Bindas Syiem kaba dang don hapdeng ka jingshah thngan khlem buh por.
Lah ban kdew ba kane kadei ka sngi kaba 4 baka Kong Bindas kala shah thngan ban dawa maramot bad pynbha iaka surok Nongpoh-Umden-Sonapur.
Ki paidbah kila wan iaid kjat najan ophis MBOSE ha ryngkat ki Pla Card kiba thoh ki kyntien kynthoh pyrshah iaka Sorkar Jylla.
Ki paidbah kila pyrta ruh iaki ktien pynrem ia u Symbud Myntri Rangbah ka Jylla u Bah Prestone Tynsong uba khmih iaka tnat PWD (Road).
Nalor kane ki paidbah ki dawa ruh naka Sorkar Jylla ban pynkynriah kam mardor ia u SP ka East Khasi Hills daka ba kynnoh ba hapdeng ka jingbuaid, u thmu ban rah sha Hospital iaka Kong Bindas ha shiteng miet.
La ioh sngew ruh baki paidbah kila pynrem ia u MLA ka Nongpoh constituency u Bah Mayralborn Syiem.
Ki paidbah kila pynsngew ruh ba nangne shakhmat ki paidbah ka thain Ri-bhoi district kin iai bteng ban iakhih lada ka Sorkar Jylla kam maramot iaka surok.
