Kloi u Bah Pretone ban pynbeit ia ki jingduna ha ka jingshakri ia ka Pynursla

Date:

Share post:

Shillong, Jylliew 6: U President ka NPP uba long ruh u Symbud Myntri Rangbah ka jylla Bah Prestone Tynsong ula pynpaw ba u long uba kloi ban pynbeit ia ka jingduna ka jongu na ka bynta ban shakri khambha ia ki paidbah jong ka Pynursla constituency.

Kane ka jingkren ka jongu kadei tang shi sngi hadien bala mih ka result MP Lok Sabha ha kaba arngut ki nongialam ka NPP kiba dei ruh ki Symbud Myntri Rangbah ka jylla kiba kynthup ia u Bah Prestone Tynsong bad Sniawbhalang Dhar naka constituency ka jongki kila mad iaka jingshah pynrem ha ka Voice of the People Party (VPP).

“Ngi hap ban pdiang bad burom ia ka rai jong u paidbah ka Pynursla Constituency, kiba la jied ia nga kum u MLA haduh san sien bad shisien kum u MDC, nga hap ban burom ia katei” ong u Bah Prestone haba iakren bad ki nongthoh khubor hynne ka sngi Balang.

“Da kaba nga rem kumtei, kan iarap ia nga ha kaban eksamin, wad bniah bad ban khmih bniah ialade bad ia ki jingduna ki jong nga, ka jingkhlain ka jong nga bad haei nga donkam ban pynbha ha kaban ai ka jingshakri ia ki paidbah. Kumta ngin sa iakynduh ha ka jylla bad ha ki Constituency ym tang ha Pynursla hynrei ha baroh 60 tylli ki constituency” ong u Bah Prestone.

“Ai ngan wad bniah shwa bad ngam pat lah ban ong eiei ia mynta ba baroh ki nongkyrshan ki jong nga kila leit ban thep vote na ka bynta ka VPP, kumta ban khmih bad wad bniah shwa bad ngan sa bishar bniah bad nga nsa shim ia ki sienjam kiba donkam” la ong u Nongialam ka NPP.

Share post:

spot_img

Popular

More like this
Related

Lyngba ka Tracestore yn kyntiew ia kiba thain jingthain & nongseng kam lajong

Shillong, Lber 01: Ki nongthain jingthain bad ki nongseng...

Pynrem ka Mawlai da 6-1 ia ka Nongthymmai ha ka SPL

Shillong, Lber 01: Ka Mawlai SC kala nang jam...

Kurup ki BSF ia ki tiar kiba thmu khaii be-ain sha Bangladesh kiba shongdor T.61 Lak

Shillong, Lber 01: Ki shipai BSF kiba pahara ha...

Palat 5.2 lak ki Longiing ha Nongkyndong kila ioh kor um iing na ka JJM

Shillong, Rymphang 28 : Palat 5.2 tylli ki Longiing...