Shillong, Jymmang 29: U Nongaiktien ka NPP Bah Himalaya Shangpliang hynne ka sngi Balang, ula ai khublei ia u Conrad K Sangma bad ia u Myntri ka tnat Pule Puthi Rakkam A Sangma, hadien ka jingpynthikna ba ka Jylla Meghalaya kala lait naka jingtreikam jong ka eksamin Common University Entrance Test (CUET).
Haba kren sha ki lad pathai khubor u Bah Shanpgliang ula ong “Nga kwah ban pyntip sha ki samla pule ba iaka eksamin CUET la pyllait daka Sorkar India bad ka UGC namar kata kadei ka khubor kaba bha bad kaba kmen khamtam iaki samla pule kiba dang ap ban ioh thep Class haki college bapher bapher naka bynta ka jingpule haki course bapher bapher”.
U Bah Shangpliang ula kyntu iaki samla pule kiba dang ap khmih lynti ban ioh thep Class ban pynsted ka jingleit wad Class haki college hadien bala pyllait iaka Meghalaya naka eksamin CUET.
“Ngi la iohi ba haka taiew bala dep ki samla pule ki don hapdeng ka jinglynga mynsiem khamtam kito kiba khlem ioh lad ban thoh iaka eksamin CUET bad kumjuh kito kiba ioh ka lad ban thoh eksamin namar ki don shibun ki kynrum kynram. Dei namar kane u Myntri Rangbah ka Jylla ula shim khia bad ula iakren bad u Myntri ka tnat Pule Puthi ka Sorkar Pdeng bad mynta ka Sorkar Pdeng kala pyllait iaka Meghalaya naka CUET. Nga kyntu iaki samla pule ban pynsted ka jingleit thep Clas haki college bapher bapher” ula ong.
