Shillong Iaiong 23: Ki shipai BSF bad ki pulit Meghalaya ha ka sngi Nyngkong, kila kem ia ki 4 ngut ki nong India bad kurup 44,000 kilo ka shini kaba thmu ban khaïï be-aiñ sha ka Ri Bangladesh.
Ki BSF kila pyntip ba haka jingiatreilang ba ki pulit ka jylla kila ioh ban kem ia ki 4 ngut ki nongIndia bad kurup 44,000 Kg kaba shini kaba pynkit ha ki 6 tylli ki kali ha ka thaiñ khappud kaba don ha South Garo Hills.
Ha kawei pat ka jingkhynra ki BSF kila iohbat ia ki ar tylli ki kali kiba kit 94 byrni ka shini bad ia kine kiba shah kem bad ia ka shini kaba ioh kurup la aiti noh ha ki pulit jong ka Rongra na ka bynta ban keh ia kaba donkam.
Kane ka jingseisoh ban ioh kurup bun bah ka shini bad kem ia ki briew kiba donkti kadei na ka jingtrei shitom jong ki BSF bad ki pulit ka jylla ban tehlakam ia ki kam khaïï be-aiñ ha ki thaiñ khappud jong ka South Garo Hills, Meghalaya.
