Dibrugarh, Iaiong 14: Haka jingjia thombor khynnah, ki Pulit ka Dibrugarh kila kem iaka Boby Kalita kaba dei ka kurim jong Doctor Debojit Dutta halor ka jingkynnoh ba ka donkti ban pynshitom be-ain ia ka nongtrei kaba dang khynnah.
Ka khynnah mynta ka don hapdeng ka jingsumar jong ki bor khmih ka Dibrugarh Child Line.
Ki Pulit ka Dibrugarh kila register case ha Dibrugarh sadar police station hapoh ki kyndon section 352/342/326/374/506/34 jong ka IPC bad section 75/79 jong ka Juvenile Justice Act, 2015 bad 2014 Amended Child Labour Act, 1986.
U Officer in Charge ka Dibrugarh police station u Raju Bahadur Chetry ula ong ba ki Pulit kila kem iaka longkmie hadien ba la ujor daki paramarjan.
Katkum ka kaiphod, u Doctor ula shu thied ia ka khynnah napoh ka Jylla Arunachal Pradesh ha u snem 2013 bad kane ka khynnah kala don beit bad kine 2 ngut.
“Ngi la iohi ba kane ka khynnah ka shah lehbein bun sien haka longkmie. Ngi la iohi bun sien. Ka khynnah ka phong Mask beit bad kam ju kren namar ka shah khang bad ka trai ing” iathuh ki paramarjan.
Kiwei ki paramarjan kila ong “Kadei ka kam lehbein briew. Kumno ka nud ban lehlein iaka khynnah. Kala trei slem ha kane ka ing”.
Katkum ki Pulit, kila iathuh ba u doctor Debojit Dutta udei u skin specialist bad haduh mynta u dang jah naduh ba shah kem ka lok.
U Debojit Dutta udei ruh u president ka Dibrugarh District Sports Association (DDSA) bad president jong ka Cricket Club of Dibrugarh (CCD).
Ha u September, 2020, kum kane ka jingjia ruh kala jia ha Dibrugarh ha kaba Doctor bad ka lok ki lehbein iaka khynnah ba trei ing bad hadien kane kila shah kem noh ha ki Pulit.
Iaki shi lok la kem hadien ba ki thep um khluid iaka khynnah ba dang 12 snem kaba trei ha ing.
Hadien kane, kala don ka jingtalasi daki Pulit ka Dibrugarh bad Nagaon bad kila kem ia u Dr Siddhi Prasad Deori bad ka lok Mitali Konwar.
