Shillong, Lber 06: Ka Khasi Students Union (KSU) kala dawa ba dei ban pyndait daki Video Camera haka por pynlong iaki Interview thep kam, ban pynthikna ba kan long kaba khuid ba suba haka jingthungkam.
Kane ka jingdawa kadei naduh 2015-16 bad mynta ka kynti ka KSU kala leit buh biang daka Dorkhas shaka Meghalaya Public Service Commission (MPSC) hynne ka sngi.
Ka KSU kala ong ba iaka Personal Interviews dei ban pynlong daka ba pyndait daki Video Camera naka bynta ban pynthikna ba kan nym mih kano kano ka jingbym sngewtynnad haka por pynlong Interview. “La ioh sngew ba ka don ka jingpan Pisa haka por pynlong Interview bad bun ki samla wad kam kim sngewtynnad halor kane” la ong ka KSU.
Ka KSU kala dawa namar ka jingslem ban khot thepkam kaba la mih hadien baka MPSC kala iaka Resol jong ka kam Junior Divisional Accountant (JDA).
Katkum ka KSU, ka kdew ba naki 69 tylli ki Posts ha JDA, tang 34 ngut kila shah jied ban wan haka Interview ka ban long haka 13 bad 14 tarik Lber.
“Kane ka wanrah ka jingartatien hapdeng ki samla haba iadei bad ka jingkhuid jingsuba ka rukom thepkam bad ka jingkylli ka mih mynta, shaei ki 35 tylli ki Post JDA ki jah. Haba kumta kam donkam ban don daka Personal Interview bad ia kane donkam ban pynbeit mardor ban wanrah ka khuid ka suba haba thepkam” la ong ka KSU.
Ka KSU kala phaikhmat ruh shaka jingpynbna lait kam ha u snem 2016 naka bynta 36 tylli ki kam typists (ordinary grade) kaba la shim haduh 8 snem ban sdang. Ka KSU kala pyntip ba iaka Screening Test la pyndep ha u bnai Rymnphang 2022, iaka Typing Speed Test ha u bnai Lber 2022 bad ia kane ka jingpynslem ym lah satia ban pdiang bad dei ban pyndep mardor lym kumta ka Seng kan shim da kiwei ki sienjam.
Haba kyntu iaka MPSC ban pynbeit daka porn aka bynta ban pyndep iaki jingdonkam ban thepkam, ka KSU kala ong “Kum kine ki dawa ym lah ban pdiang haka juh mynta ba treikam daka bor Internet bad Computer bad ka MPSC ruh kadei ban iaid katkum ka juk mynta ban pynsted iaki jingdonkam haba thepkam”.
Ka KSU kala ong ruh ba ki bor Sorkar kidei ban khmih halor kane ban wanrah daka Resolution abn pynthikna ba ka jingthep kam kadei ban dep haka por kaba biang lane hapoh shisnem naduh ka tarik bala pynbna iaka jinglait kam (Advertisement).
Sa kawei ka jingdawa bala buh hakhmat ka MPSC kadei ban weng noh iaka Personal Interviews haki B, C, and D kum shi bynta ban bud ryntih iaka Sorkar Pdeng bad kiwie ki Jylla hapoh ak Ri.
“Ka jingdonkam haba iadei bad ka jingthepkam kadei ban long daka eksamin (Written Examination) lait noh naka bynta Skill Test ne Physical Test ban pynthikna ba kam don ka jinglehtuh bad ban pynthikna ba ka jingshah jied kan dei katkum ka jinglah ki samla thepkam” , Ka jingbteng iaka Personal Interview ka buh jingartatien ba lah ban don ka jingbamsap bad ka jingleh shiliang” la ong ka KSU.
 kala dawa ba dei ban pyndait daki Video Camera haka por pynlong iaki Interview thep kam, ban pynthikna ba kan long kaba khuid ba suba haka jingthungkam.){kind=link}