Imphal, Rymphang 29 : Ka Lat ka Jylla Manipur Anusuiya Uiker ha ka sngi Balang kala pyntip ba haduh 3010 acre ka jaka rep poppy kala shah pynjulor hapoh ka Jylla.
Haba kren ha ka Iingdorbar Thaw Ain, ka Kat kala ong ba dei namar ka jingtrei shitom ka Sorkar, ka jingrep poppy kala duna bha hapoh ka Jylla.
“Ka jaka rep poppy bala lum jingkhein hapdeng u snem 2021-22 ka long 28,599 acre. Kala duna sha a 11,288 acre hapdeng u snem 2023-24, kaba long haduh 60% ka jingduna. Kane ka jingduna ka jaka rep poppy ka pyni ia ka jingseisoh ka jingtrei shitom ka Sorkar pyrshah ia u droks” kala ong.
Ka Lat ka ong ba ka thma pyrshah ia u droks ka dang iaid shaid shaid bad ha u snem 2023, haduh 72.9 kg heroin, 147.1 kg opium, 195.2 kg ganja (marijuana), 111.3 kg brown sugar, 155.3 kg Methamphetamine tablets, bad 33.3 kg pseudoephedrine tablets lah ioh ban kurup napdeng kiwei kiwei ki jingdih buaid.
Ka iathuh ba haduh 288 tylli ki case la register hapoh ka Narcotics Drugs and Psychotropic Substances (NDPS) Act 1985, bad 333 ngut ki briew kila shah kem ha u snem 2023.
