Shillong, Rymphang 27: Ka Sorkar Jylla kala mang pisa haduh T. 5.50 klur ban pyntreikam ia ka Chief Minister Youth Development Scheme hapdeng u snem 2023-2024.
Ia kane la pyntip da u Myntri ka Tnad ialehkai Bah Shakhliar Warjri haba jubab hapoh ka Iingdorbar Thaw Ain ka Jylla hynne ka sngi Ba-ar.
Ula pyntip ba T. 30 lal la ai sha ki Deputy Commissioner ka Shillong bad Tura katba T. 17 lak la ai sha ki 10 tylli kiwei pat ki District.
U MLA ka Congress na Mawhati Bah Charles Marngar ula pan jingtip la ka Sorkar ka don kano kano ka jingthmu ban bishar biang iaka rukom ai song pisa hapoh ka skhim kat kum ki jinglong ki constituency ia kaba u Myntri ula ong ba ka jingai song pisa ka dei kaba la pynshong nongrim n aka jingdon ki seng lane club kala register bad ka Deputy Commissioner bad kam dei kaba iaid kat kum ki constituency.
Haba u MLA ka VPP na Nongkrem ula pan jingtip la ia kane ka skhim lah ne em ban pyniaid lyngba ki MLA, u Myntri ulaong ba kane ka skhim ka dei kaba pyniaid lyngba ki DC bad ka Directorate of Sports & Youth Affairs.
