Shillong, Rymphang 22 : U Symbud Myntri Rangbah ba khmih ia ka tnad pohiing (Home) Bah Prestone Tynsong ha ka sngi Palei ula ong ba ka jingbuh ia ki Anti-Dacoity Camp kam don jingmut shuh hapoh ka Jylla kumta ka Sorkar kala rai ban pynkha noh da bun ki Police Outpost ban pynhlain ia ka bor ki Pulit ha ki Police Station ha kylleng ka Jylla.
U Bah Prestone ula pyntip ba ka Sorkar kala pynlong ia ka jingiasyllok kaba sani bha dang shen halor kane kam.
Haba jubab ha Iingdorbar, u Bah Prestone ula ong ba ka Sorkar kala mang haduh 140 tylli ki kali arshaka bad 80 tylli ki bolero na ka bynta ki Police Station bapher bapher khnang ban pynkhlain ia ka jingshakri ki Pulit kat kaba lah.
