Shillong, Rymphang 22 : Ki Pulit ka Ri-Bhoi District, kila kem ia arngut ki briew kiba suba donkti ha ka jingpyniap bein ia uwei u Khynnah 10 snem ha ka shnong Umtangar, Ri-Bhoi District.
Kine ki arngut ki dei kiba la tip kyrteng da u Pynshailang Warjri ba 32 snem uba dei na Umtangar bad u Banshngain Tynsong, 28 snem uba dei na Nongthymmai, Pynursla bad uba sah ha Umtnagar, Ri-Bhoi.
Kat kum ka jingiathuh u Superintendent of Police ka Ri-Bhoi, Une u Khynnah ba kyrteng u Kitborlang Marbaniang ula jah ha ka 17 tarik Rymphang hynrei ha ka miet jong ka sngi babud, la lap noh ia ka metiap jong u na kawei ka kper jong uwei u rangbah ba kyrteng u Bah Comand Nongrang.
Ki Pulit kila register case ia ka ejahar bala mudui da ki bahaiing hasem une u Khynnah myn ha ka 19 tarik hapoh ka kyndon 302 IPC.
Ki Pulit kila pynlong ia ka jingtohkit ia kine ki arngut ki briew ban tip ia ki daw ba ki pyniap bad ka jingthmu ha lyndet jong ka.
