Shillong, Rymphang 22 : U Myntri Rangbah ka Jylla Conrad K Sangma ha ka sngi Balang ula pyntip ha Iingdorbar Thaw Ain ba ka jingpyntrei ia ka phase-II jong ka Shillong Technology Park kala iaid mynta ha New Shillong Township ha ka jingmang pisa ba kot T.121 klur.
Ia ka Shillong Technology Park la plie ha ka jingrakhe dap 50 snem jong ka Jylla.
Ula pyntip ruh ba ka Sorkar kala mang ia ka pisa ba T. 127 klur ban tei ia ka Tura Tehnology Park. Kane ka project kan pynphriang ia ka IT hapoh Ri-lum Garo.
Kat kum ka jingong jong u, ka Sorkar ka angnud ban pynlong ia ka Meghalaya kum ka jaka pdeng jong ka technology ne technology hub jong ka thain Shatei Lam Mihngi ka Ri.
Ula pyntip ba kine ki artylli ki project ki lah ban aikam ia kumba 20,000 ngut.
