Guwahati, K’lyngkot 24: U Nongialam ka Congress Rahul Gandhi ha ka sngi Balang ula kynnoh ia u Myntri Rangbah ka Assam Himanta Biswa Sarma kum u Myntri Rangbah ba bamsap tam hapoh ka Ri.
Haba kren ha ka rally ha Barpeta, u Rahul gandhu ula ong ba u Himanta Biswa Sarma u dei u Cm ba bamsap tam.
“U Myntri Rangbah ka Assam (Himanta Biswa Sarma) ula pynphriang ia ka jingiashun man ka por bad knieh noh ia ki jaka puta jong phi ki paidbah. U dei uba bamsap tam” ong u Gandhi.
U Rahul Gandhi ula pynmih ia kum kane ka jingkynnoh pyrshah ia u Himanta myn ha ka sngi Palei bala dep, ka sngi ba sdang ka Bharat Jodo Nyay Yatra ha Assam.
Ka Congress kala kynnoh ba ka Sorkar Assam ba ialam da ka BJP ka la pyrshang ban pynthut ia ka Yatra naduh b aka Yatra kala rung hapoh ka Jylla.
Ka jingiapyni bor hapdeng ka Sorkar Jylla bad ka Congress kala poi sha ka jingkulmar hadien ba ki nongkitkam ka Congress kila iapyni bor bad ki Pulit ha Khanapara namar ka jingkhang ia ka Yatra ban rung sha Assam.
