Shillong Kyllalyngkot 21: Ka Regional Democratic Alliance ( RDA) kan pynlong ia ka jingialang ban pynithuh paidbah ( official introduction) ia u kyrtong jong ka RDA sha ka elekshon Lok Sabha na Shillong Parliamentary constituency ha ka 23 tarik Kyllalyngkot
Ka RDA ka dei ka kynhun synrop jong ka ka UDP bad ka HSPDP bad kane ka jingialang kan dei ruh ka jingsdang ia ka jingialap elekshon na bynta ka Election MP 2024.
Katkum ka kyrwoh na u Bah Titosstar Well Chyne u Asst Secretary ka RDA ula pyntip ba ka jingialang kan long ha ka 23 tarik u Kyllalyngkot ha ka ophis jong ka UDP ha Bomflye Road, Laitumkhrah.
Ula ong ba ka RDA ka khot sngewbha ia baroh ki MLA & MDC jong ka UDP & HSPDP, ki Dkhot ka sengkmie, ki president & secretary jong ki District, ki Circle bad ia baroh ki Nongialam jong ka UDP & HSPDP bad ia ki dkhot ka Women Wing & Youths Wing jong ka UDP bad HSPDP ban wan sha katei ka jingialang.
