Shillong, K’Lyngkot 17: Ka East Khasi Hills kala bteng iaka jingjop ha ka jingiakop jngi bad ioh khur haduh 10 naki 11 tylli ki takma ha ki jingiakhun ba long hynne ka sngi Balang.
Nalor kane 9 tylli ki takma ksiar, ka EKH kala jop 7 tylli ki takma rupa bad ioh khur lut ia baroh 11 tylli ki takma rnong.
Ka South West Khasi Hills kala jop sa 1 ka takma ksiar nalor 3 tylli ki rupa katba ka East Jaintia Hills kala jop kawei ka rupa.
Haka jingiakop jngi freestyle (100 mts) jong ki shynrang, baroh ki takma kila leit sha ka EKH. Haka liang ki kynthei 100-metre freestyle, baroh ki nongjop ki dei na East Khasi Hills.
Haka 100-metre breast stroke ki shynrang, ka EKH kala ioh ia ka takma ksiar bad ka rnong katba ia ka takma rupa la ioh da ka EJH hynrei haka liang ki kynthei, baroh 3 tylli ki takma kila leit shaka EKH.
ka jingiakop jngi butterfly 100 meter lah jop biang da ka EKH katba ha ka jingiakhun ki Kynthei, ka SWKH kala ioh ia kawei ka takma ksiar.
Haka Men’s backstroke (100 meters), ka EKH kala shah rem noh hadien ba ia u takma ksiar bad rupa la jop daka SWKH. Iaka rnong la ioh daka EKH bad haka liang ki kynthei pat, ka EKH kala khur lut ia baroh lai tylli ki takma.
Haka Freestyle Relay (Men), ka SWKH kala jop pyrshah iaka EKH bad haka liang ki kynthei ka EKH kala khur lut iaki jingjop.
Haka jingiakhun ba khatduh Mix Freestyle Relay, la sakhi iaka jingjop bun daka EKH daka ba jop lut baroh 3 tylli ki Medal.
