Tura, K’lyngkot 13: Ka kynhun ialehkai ki shynrang U-18 jong ka East Jaintia Hills kala pynliem ia ka kynhun ialehkai ka Ri-Bhoi District da 3-1 kol ha ka lympung Meghalaya Games 2024.
Baroh kine ki ar kynhun kila sdang ia ka jingiakhun ban pyni ia ka sap ialehkai kaba tbit hynrei ka EJH kala ioh ban pynkhih jar ha ka kylla step. Ka Ri-Bhoi kala iakhun dohiap bad ioh pynphai ia ka kol ha ka kylla miet.
Ka EJH kala iakhun tyngeh ha ka kylla miet bad kala ioh ban thep biang sa 2 kol kaba la biang pura ba kan ioh khur ia ka nam jop.
Da kane ka jingjop ka EJH kala jam sha kawei pat ka round naba kane ka Group ka dei kaba don tang ar kynhun.
