Nongpoh, Kyllalyngkot 8: Ka Ribhoi District Sports Association (RBDSA) hynne ka sngi Nyngkong, kala pynlong iaka program ‘send off’ ïaki Rang ialehkai ball jong ka Ribhoi District ki ban leit ïa shimbynta haka Meghalaya Game 2024 ka ban long ha Tura.
Ha kane ka sngi la ïa don lang da u Bah Mathew Makdoh uwei na ki riew rangbah jong ka them Ri-bhoi uba dei ruh u Ophisar jong ka tnad DRDA ba la shongthiat, haka jingiadon lang u bah RB Shadap President ka RBDSA lem bad ki official bad ki rang ki thei ialehkai ball under 18 jong ka District.
Ha kane ka program u bah Mathew Makdoh u la ïoh ban bet ïaki kyntien ksiar kyntien rupa naka bynta ki khun samla ki ban leit mihkhmat sha ka Meghalaya Game, kiba la long ruh kum ki kyntien kyrkhu kyrdoh ha shwa ba kin mih napoh ka district.
U bah Matthew Makdoh u la kyntu ruh ïaki Nongleit iashim bynta sha Meghalaya Game ba ki dei barabor ban long ki ba tip ïaka burom ka akor la kadei haka ktien ka thylliej ne ka riam ka beit. Ula ong ruh ba ki jingpynshoi ki lah ban wan ha ki ba bun rukom hynrei kum ki samla phi dei ban long skhem ha la ka jong ka tynrai bad ban pyni ruh iaki kam kiba bha sha kiwei pat.
Shuh shuh u bah Mathew u la ai khublei ruh iaka Sorkar jylla ba la kam khmat u Conrad Sangma kum u Myntri Rangbah ïaka jingshim khia ban pynlong biang ia kane ka lympung kaba heh tam hapoh ka jylla kaba long ruh kum kawei naka rynsan ïaki khun samla ba kin ioh ban pyni ïaki sap ki phong ba ki don.
Naka liang ka RBDSA ka la pyntip ruh ba ïaka send off naka bynta ki thei ïalehkai ball jong ka District kin pynlong haka 9 tarik Kyllalyngkot bad ïaki nongiashim bynta haka Athletic kin pynlong haka 13 tarik Kyllalyngkot
 hynne ka sngi Nyngkong, kala pynlong iaka program ‘send off’ ïaki Rang ialehkai ball jong ka Ribhoi District ki ban leit ïa shimbynta haka Meghalaya Game 2024 ka ban long ha Tura.){kind=link}