Turathon, Naiwieng 09: Ka tamasa Wangala ba ju tip ruh kum ka tamasa 100 ksing (100 drums festival), kala sdang hynne ka sngi Palei, ban pynkyndeh ia ki dohnud da ki jingtem ksing ba sawa jam.
Ha Meghalaya, ka tamasa Wangala ka bat ia ka jaka ba kyrpang bha. Ka Wangala ka dei ka jinglehkmen ba phyla bha jong ki paid Garo bad ka dei kawei na ki tamasa ba dap da ki rup ki rong, kaba pyni ia ka kolshor ba dap daka jingkmen jong ki paid Garo haba ai burom ia ka mei mariang bad ka rep ka riang.
Kaei ka wangala festival?
Ka tamasa Wangala ka thew ia ka jingkut noh ka aiom rep, ha kaba ki briew kila pynpaw ia ka jingsngewnguh ia ki Blei halor ka jingseisoh bha ka rep ka riang bad ka jingkyrkhu ia ki snem ban wan.
Balei pat ka 100 tylli ki ksing?
Haba kren halor ki ksing, ka long kaba kongsan ban tip ba ka jinglehkmen Wangala ka dei ka jingiatied ksing. Ki ksing bala pyndonkam ha ka tamasa ki pyni ia ka jingriewspah ka kolshor ki Garo. Ia kine ki ksing kiba heh la shna hi na ki tynrai dieng.
Kaei kaba pynitynnad bad pynriewspah ia ka tamasa ka dei ki jingshad ha kaba ki nongshad kila pynkhih ia ka met ka phad kat kum ka jingringsur jong ka ksing.
Ha kane ka tamasa, ki don ruh shibun ki dukan kiba la pynieng bad pyninam ia ka sap shna tiar hi dala ki kti jong ki paid Garo.
