Shillong, Risaw 18 : U President ka United Democratic Party (UDP) Bah Metbah Lyngdoh ula iathuh ba ka party kam pat rai satia iano ban ai ticket ban iakhun ia ka elekshon MP-Lok Sabha 2024 na ka Shillong Parliamentary seat.
“Kila don 2-3 ngut kiba la pynpaw sha ka party ba ki kwah ban iakhun ia ka elekshon Lok Sabha na ka ticket ka party na ka shillong Parliamentary seat, hynrei ngim pat shim rai satia iano iano ruh”.
Une u Nongialam ka UDP bad MLA ka Mairang ua ula pynpaw “Ka long kaei kaei kaba sngewtynnad ba ki don bun ngut kiba la pynpaw ba ki kwah ban iakhun MP naka UDP”.
Lah ban kdew hangne ba lai tylli ki kyrteng kila mih pyrthei, kiba pan ticket na ka UDP ban iakhun ia ka elekshon Lok Sabha.
Arngut ki dei ki MLA barim ba kynthup ia u Bah Process T Sawkmie na Mawlai bad u Bah Jemino Mawthoh na Nongthymmai.
Uwei u dei u Nongialam ka Hynniewtrep Youth Council (HYC) uba la iehnohkam kum u President kane ka seng. Une u dei u Bah Robertjune Kharjahrin uba bat mynta tang kum u Chief Adviser ka HYC.
“Ngi sngewkmen ba ki don bun ngut kiba kwah ban iakhun ilekshon MP 2024 naka UDP hynrei iaka rai ba khatduh yn shim hi haka jingialang jong ka Party” ula ong.
Haba phai sha ka elekshonn MDC 2024, u Bah Metbah ula ong ba ka UDP kam pat iakren ne shim ia kano kano ka rai halor kane ka elekshon haba pyntip ba kila don ki MDC kiba pynpaw ba ki kwah ban iakhun ia kane ka elekshon na ka ticket ka party kynthup ruh ki MDC ba mynta jong ka party.
Pule lang ia kane: Iakynduh ka MRDSTA ia u CM, dawa bai bam tynmen ban lah kyrshan ia ka Iing ka sem
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
 uba la iehnohkam kum u President kane ka seng. Une u dei u Bah Robertjune Kharjahrin uba bat mynta tang kum u Chief Adviser ka HYC.){kind=link}