Shillong, Risaw 07 : Ka Raid Laban Sports, Social and Cultural Organisation (RLSSCO) hynne ka sngi saitjain kala pynkup burom ia ki ngut ki khynnah pule kiba la wan shakhmat ha ki jingpule ha ka jingialang kaba la long ha Soso Tham Auditorium, Shillong.
Kane ka jingai khusnam kaba la tip kum ka 20th Meritorious Award for Students 2023 kila don 293 ngut ki khynnah pule kiba la shah pynkupburom bad 42 ngut kiba la wan shakhmat kila ioh iaka Laptop.
U MLA barim ka Mawprem u Manas Chaudhuri kum u kongsan ha kane ka prokram ha kaba la iadonlang u President ka RLSSCO u Bah Sanbor Shullai uba long ruh u MLA ka South Shillong Constituency, ki Principal jong ki skul, ki nongialam shnong bad kiwei kiwei.
Haba iakren bad u Bah sanbor ula ong, ba ka RLSSCO kala pynlong ia kane ka jingpynkup burom ia ki khynnah pule kiba wan shakhmat ha ki jingpule ha ki kyrdan bapher mynta la 20 snem bad kila don kumba 10000 ngut kiba la shah pynkup burom.
Ula ong ba ka jingshah pynkup burom ki khynnah bad ki samla pule ha kinkyrdan ki bapher man la u snem ki long 450 ngut eiei.
Ula ong ba kane ka jingpynkup burom kala long beit man la u snem da ka jingthmu ban ai mynsiem bad ban pynshlur ia ki khynnah pule ka Constituency bad la pynkup burom ruh ia ki khynnah ki a wan na ki longiing kiba duk bad kiba don jingduna ha ki dkhot met bad wat ia kito kiba lanieh noh shiteng por ia ka jingpule namar ka jingbym lah shuh ban kyrshan na iing.
U Bah Sanbor ula ong ba na ka liang ka Organisation ka ialeh ban pynkup burom bha ia kito ki khynnah kiba duk ki bym don kpa shuh ne ki khlem leit Tuition hynrei kila lehbha ia ka eksam bad lada ki wan ha ka First Division ne Second Division ne Third Division ruh la pynkup burom beit ia ki.
 hynne ka sngi saitjain kala pynkup burom ia ki ngut ki khynnah pule kiba la wan shakhmat ha ki jingpule ha ka jingialang kaba la long ha Soso Tham Auditorium, Shillong.){kind=link}