Kohima, Nailur 12 : Ka Iingdorbar Thaw Ain ka Nagaland ha ka sngi Ba-ar, kala mynjur lang ia ka Resolution ban pyllait ia ka Jylla na ka jingtreikam jong ka Uniform Civil Code (UCC).
Ia kane ka Resolution la wanrah da ka Sorkar Jylla bad la kyrshan da baroh 60 ngut ki MLA kynthup ki MLA ka BJP. Kane ka Resolution ka dei kaba phyllaw namar ka NDPP kaba synshar ia ka Jylla ka dei ka paralok jong ka NDA bad ka BJP ruh ka dei shibynta lang ha ka Sorkar.
U Myntri Rangbah ka Jylla Neiphiu Rio ula ong ba u ngeit skhem ba ka Sorkar Pdeng kan nym ailad ialade ba kan iapein halor ki jingiateh kular, lane khlem da kheinkor ia ki kyndon ka Riti Synshar na ka bynta ki Naga.
Ula ong ruh ba ka Sorkar Jylla kala dep phah ia ka shithi sha ka Law Committee ba kyrpad ban pyllait noh ia ka Jylla n aka UCC. Ula isaid ba ka Nagaland ka dei ban lait na ka UCC halor ka jingtreikam jong ka Bengal Eastern Frontier Regulation Act kaba ai bor ia ka Nagaland halor ka Judiciary, Executive bad Legislative nalor ka jingai laitluid halor ka khyndew ka shyiap.
Ki Nongthaw Ain ka Nagaland khlem da khein party, ki sngew ba ka UCC kan pyntroin noh ia ki kyndon jong ka Article 371 (A) kaba ai jingiada kyrpad ia ka Nagaland.
Ka Iingdorbar kala mynjur ruh ia ka amendment jong ka Forest Conservation Act, 2023.
Kane ka sienjam kala jia ruh tang shisngi hadien ba baroh ki Party ha ka Iingdorbar Thaw Ain ka Nagaland kila pynpaw ia ka jingpyrshah ban pyntreikam ia ka UCC ha Jylla bad kila rai ban mynjur da ka Resolution ban pyrshha ia ka bad kumjuh ruh ia ka Forest Conservation Act, 2023.
Pule lang ia kane: Rai ka Sorkar ban thaw ia ka SWIC ban lum jingtip ia ki Um hapoh ka Jylla
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
 kaba ai jingiada kyrpad ia ka Nagaland.){kind=link}