Shillong, Nailur 02 : Ki Pulit ka Anti Narcotics Task Force (ANTF) ka East Khasi Hills kila ioh ban kurup ia u droks ba shongdor haduh T. 6 klur na Demthring, Shillong bad kem ia 4 ngut ki briew kiba khaii ia une u droks.
Kat kum ka jingiathuh u Superintendent of Police ka East Khasi Hills, ka ANTF kala pynlong ia ka jingkhynra kaba neh baroh shisngi hynnin ka sngi Thohdieng bad ioh kem ia kine ki 4 ngut kiba dei ki nongkhaii droks na kawei ka Jylla sha kawei pat.
Napdeng kine ki 4 ngut, kawei ka dei ka kynthei. Ia kine ki briew la ioh kem na Demthring Shillong ha ka por 8:30 baje mynmiet.
Une u Heh Pulit u pyntip ba na kine ki briew, ka ANTF kala ioh kurup haduh 55 synduk u heroin ba khia haduh 638.5 gram, artylli ki mobole phone kawei ka MAruti Eeco AS14-AC-0984, kawei ka EPIC Card bad ka Aadhaar Card.
Ia kine ki briew la register case ha Madanrting Police Station bad la pynngat ia ki hapoh ki kyndon ka ain NDPS Act.
Pule ruh: Kurup ki BSF ia ki saree bad shini na ka bos Balat
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
 ka East Khasi Hills kila ioh ban kurup ia u droks ba shongdor haduh T. 6 klur na Demthring, Shillong bad kem ia 4 ngut ki briew kiba khaii ia une u droks.){kind=link}