Shillong, Nailar 29 : Ka kompani Meghalaya Cement Limited (Topcem) hynne ka sngi Ba-ar, kala weng noh shisyndon ia ki arngut ki nongtrei kiba mih ia ka ktien sih ia ki riew paidbah, kaba lam sha ka jingkulmar ha ka Public Hearing ban pynheh ia ka project jong ka kompani ba long ha Thangskai myn ha ka 24 tarik.
Kine ki arngut ki Nongtrei ki dei u Arun Kejriwal bad u Umesh Kumar.
Kat kum ka hukum ba pynmih da ka HR Department ka Meghalaya Cements Limited, la pyntip ba ka kompani kala weng kam shisyndon ia kine ki arngut ki Nongtrei naduh mynta ka sngi.
Lah ban kdew hangne ba ki kynhun Sengbhalang bapher bapher, kila dawa ban wengkam ia kine ki nongtrei bar jylla haba kynnoh ba dei ma ki, kila pynshit bad pynkha ia ka jingkulmar da kaba bthah ia ki Pulit ban thombor ia ki paidbah kiba pyrshah ia ka Public Hearing.
Ka kompani ha ka jingpyllait khubor hynnin ka sngi, kala sospon ia kine ki nongtrei halor ka jingiohi ia ki video bala saphriang ha ki social media ba ki kren ia ki ktien sih ia u paidbah.
Namar ka jingjur ka jingdawa ki kynhun Sengbhalang, kiba la mudui ruh da ka ejahar sha ki Pulit, ka kompani kala shim ia ka sienjam ban wengkam shisyndon ia kine ki arngut.
Pule ruh: Lum ka ECI ia ka jingialang ban pynkhreh ia ka elekshon shiteng samoi ha Tripura
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
