Agartala, Nailar 29: Ka kynhun ba laingut jong ka Election Commission of India (ECI) kala lum ia ki jingialang bad ki Heh Ophisar ka Tripura ha ka sngi Nyngkong ban shong bishar kam halor ka jingpynkhreh jong ka Jylla ban pynlong ia ki elekshon shiteng samoi ha ki artylli ki Assembly constituency.
Ka elekshon shiteng samoi ha Tripura kan long ha ka 5 tarik u Nailur ha ka Boxanagar bad Dhanpur Assembly constituency.
Ka kynhun bala ialam da u Principal Secretary ka ECI Arvind Anand, kala shong ia ka jingialang ha Sepahijala bad kiba la iadon ha ka jingialang ki dei u Tripura Chief Electoral Officer Puneet Agarwal, District Magistrate bad Collector Vishal kumar lem bad arngut ki heh ka ECI Santosh Kr. Dubey (Secretary) bad Ankur Matla (Assistant Section Officer).
Ka elekshon shiteng samoi ha Dhanpur ka dei kaba la pynlong hadien ba ka Myntri ka Sorkar Pdeng Pratima Bhoumik kala iehnohkam, kaba jia tang da ki sngi hadien ba kala shah jied kum ka kyrtong ka BJP ha u bnai Rymphang.
Pule ruh: Assam : Shah ktah palat 1 lak ha ka jingshlei um ha ki 17 tylli ki District, shah rong arngut
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
 kala lum ia ki jingialang bad ki Heh Ophisar ka Tripura ha ka sngi Nyngkong ban shong bishar kam halor ka jingpynkhreh jong ka Jylla ban pynlong ia ki elekshon shiteng samoi ha ki artylli ki Assembly constituency.){kind=link}