Shillong, Nailar 26: Ka Hynniewtrep Youth Council (HYC) ha ka sngi Thohdiengi kala dawa naka North Eastern Indira Gandhi Regional Institute of Health and Medical Sciences (NEIGRIHMS) ban sangeh shwa iaka jingthepkam naka bynta ka kam Nursing Officers bala pynlong lyngba ka Nursing Officer Recruitment Eligibility Test (NORCET)-5.
Haka shithi sha u Director of the NEIGHRIHMS u President ka HYC bah Robertjune Kharjahrin ula ong “Kane ka jingpynkylla ka NEIGRIHMS naka rukom ba la ju leh ban thungkam kadei tang ka buit ban pynduhlad iaki trai ri trai muluk ban ioh kam kum ki Nursing Officers ha kane ka Hospital”.
U bah Robert ula ong katkum ka jingtip bala ioh naka AIIMS-New Delhi lyngba ka Notice dated 05.08.2023 la khot naka bynta ban thepkam lyngba ka NORCET-5 naka bynta ka kam Nursing Officer ha AIIMS New Delhi bad ha kiwei ki AIIMS katkum ka jingdon ki jinglait kam.
Ka sngi ba khatduh ban thep iaki Online Applications kadei haduh 5 baje haka 25.08.2023, ka Exam kan long haka 17 tarik Nailur 2023 {Online (CBT) naka bynta ka Stage I NORCET Preliminary} bad haka 27 tarik Risaw 2023 {Online (CBT) naka bynta ka Stage II NORCET Mains}.
“Kynsan kynsan ka AIIMS New Delhi lyngba ka jingpyntip Notice-200/2023 dated 25.08.23 hapoh ka Website kala pyntip ba ka jingpyntip lyngba ka Notice No. 146/2023, NEIGRIHMS, Shillong ka shim bynta haka NORCET-5 bad ka sngi khatduh ban phah iaki Online Forms kadei haka 28.8.2023 daka ba kdew ruh iaki jingdon ki kam ba lait”.
Nalor kane lyngba ka Notice No. 200/2023 bala pynmih haka Official Website jong ka AIIMS New Delhi ka kdew bad ka shai ba ka por ka long kaba khim ban phah iaki Application namar ki samla ka jylla ki dang shu tip shen halor kane ka jinglait kam.
Haba kynnoh ba kane kadei tang ka buit ban pynduh lad iaki samla, u bah Robert ula ong “Ngi dawa baka Notice No. 200/2023 daka AIIMS New Delhi dei ban pyndam noh bad ka jingthepkam lyngba ka NORCET ruh dei ban pynsangeh shwa”.
“Ngi dawa ruh naka NEIGRIHMS ban pyntip khamkloi halor ka jinglait kam bad ban shim ki lad lynti kumno ban ai jingpyntip kyrpang iaki samla ka jylla halor kane ka rukom thepkam bad aika jingpyntip ba laitkam ruh dei ban phah pynmih haki kot khubor” ula ong.
Nalor kane ka HYC kala byrngem ruh ban iakhih lada ka NEIGRIHMS kam sngap iaka jingdawa ka seng.
Pule ruh: Her krad ki Pulit Meghalaya ba kthong ki paid Karbi ha Lapangap, mih ki paidbah ban apshnong
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
 ha ka sngi Thohdiengi kala dawa naka North Eastern Indira Gandhi Regional Institute of Health and Medical Sciences (NEIGRIHMS) ban sangeh shwa iaka jingthepkam naka bynta ka kam Nursing Officers bala pynlong lyngba ka Nursing Officer Recruitment Eligibility Test (NORCET)-5.){kind=link}