Shillong, Nailar 23: U Myntri Rangbah ka Jylla Conrad K Sangma ula iasnohkti lang bad kiwei ki Nongialam hapoh ka Ri hynne ka sngi Balang ban pynpaw ia ka jingsngew sarong halor ka jingjop ka Chandrayann-3 Mission, ban iuhkjat ha u bnai.
Haba kynthoh ha ka X (ka Twitter ba mynshuwa), u Myntri Rangbah ula thoh “ Ka Chandrayaan3 kala iuhkjat ha ka rukom kaba khraw bha ha u bnai! Nga sngewkmen ban dang im ha kaban sakhi ia ka jingjop ka India ia ka haw haw ban poi shaduh u bnai!. Ngi da sngew sarong palat ia ka kynhun ka ISRO halor kane ka jingjop ba khraw. Kane ka dei ka sakhi ba ym kut satia u pud ba ka India kam lah ban poi. Ka long ka khyllipmat kaba sngewsarong iala ka Ri”.
#Chandrayaan3 made its epic landing on the moon! What a time to be alive to witness India conquer space to reach the moon. We are so proud of team @isro for their remarkable achievement. This is testament that there are no limitations to where India can go. Such a proud moment…
— Conrad K Sangma (@SangmaConrad) August 23, 2023
Hadien ka jinghiar ha u bnai khlem kano kano ka jingthut, u Myntri Rangbah ula ong “Ka dei ka khyllipmat kaba kmen ia baroh ki Nongshongshnong ka Ri India.
Ula ong “Ngi hap ban sngewthuh ban gin dei ka Ri kaba saw ha ka pyrthei baroh kawei ban jop ha kaban hiar ha u bnai. Bad ngin dei kaba nyngkong eh ban hiar ha ki bynta ba shathie jong u bnai” .
Namar kata, kane kan dei ka sienjam kaba khraw eh ia ka India bad kan dei ka khubor ia ki Ri ka pyrthei halor ka jingkhraw ka Ri India, ka jingkotbor ka Ri India bad ba ka India mynta ka dei kawei na ki Rib a hakhlieh kaba don ia ki kor technology ban phah ia ki mission sha u bnai, ula ong.
Pule ruh: Phah leh ‘Homework’ u CM ia ka VPP ba kynnoh pyndonkam bakla ia ka Meghalaya House
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
