Dawa ka JNC ban pynbeit ia ka iakajia pud ha Block-I kat kum ki khana pateng ki Pnar

Shillong, Nailar 23: Ka Jaintia National Council (JNC) hynne ka sngi Balang, kala dawa naka sorkar jylla Meghalaya bad Assam ba kin da bishar bniah iaka histori jong ki Pnar haba thmu ban pynbeit ia u pud u samla hapdeng ki 2 tylli ki jylla.

Haba kren sha ki lad pathai khubor, u President ka JNC samla Sambori Lyngdoh ula ong ba ka seng ka ieng haka nongrim ba ka jingthmu ban pynbeit pud kan dei ruh katkum ka Histori, ka riti dustur jong ki Pnar kiba don hapoh ka thain Block I.

Ula pyntip ruh baka seng kala dawa na ki artylli ki sorkar jylla ban thaw daka Historical Survey khnang ba kin lah ban tip iaka tynrai jong ki Pnar ka ban pynkham suk iaka jingiakren pynbeit ia u pud u sam kat kum ki khana pateng u barim bajah.

U samla Sambormi ula ong ba ka seng ka dawa ruh naka sorkar Meghalaya ba kan pynbor iaka sorkar Assam ba kan pynphai noh ia ki shnong Khasi-Pnar kiba shah pynhap ha Karbi Anlong.

“Naduh ki por ba dang synshar u phareng, ki Pnar kila lakhun iala ka jong ka thma ban ioh laka jinglaitluid naka jing shynshar ki phareng, bad lada ngi phai sha ka histori ka Ri Jaintia kaba dei ruh kata ka Ri ki Khat-Ar Doloi bad haka liang ka Riti ka Dustur ngi ki Pnar ngi long riewspah haka Riti ka Dustur. Ka jingkylli ka mih mynta, lada jia ba kitei ki shnong Pnar kin neh ha Assam, mano ban iada iaki. Hato ki lah ne em ban pynneh pynsah iala ka jong ka Riti ka Dustur kumba la ioh jingiada ka Meghalaya hapoh ka ain khyrnit ba hynriew lyngba ki Autonomous District Council ban” ula ong.

Pule ruh: Hukum ka Iingkashari ban set along 10 snem ia u nongleh beijot ia ka Khynnah

PEIT:

Ka rynsan khubor digital ba pura ka Meghalaya da ka ktien Khasi.

Balei ban ap ia ka lashai, haba ki khubor ki mih mar syn jia!

Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!