Shillong, Nailar 18: Ki Doctors jong ka North Eastern Indira Gandhi Regional Institute of Health and Medical Sciences (NEIGRIHMS) haka sien ba nyngkong hapoh ka jylla bad ka thain shathei lammihngi (North East) ki la lah ban sumar daka ba puid ia u nongpang ba don jingpang Tor ba kham niar bha (Rare Lung Disorder).
U nongpang udei u ba don jingshitom haba iadei bad ka jingring bad pynhiar mynsiem palat 8 bnai bad ula shah sumar ha bar jylla naka bynta ka jingpang Interstitial Lung Disease hynrei kane ka jingsumar ka khlem iarap satia.
Hadien ka jingwan phah eksamin sha NEIGRIHMS, ia une u ba pang la khmih bniah da ki Doctors naka tnat Department of Tuberculosis and Respiratory Diseases haka jingialam u Dr. Vijay Noel Nongpiur, Assistant Professor, Dr John Muchahary, Senior Resident bad Dr. Gideon Thangkhiew, Junior Resident bad la shem ba u don ka jingpang Pulmonary Alveolar Proteinosis.
Kane ka jingpang Pulmonary Alveolar Proteinosis kadei kaba kham phylla namar kane ka jingpang ka ktah ia u Tor bad wanrah iaka jingjynjar ban ring bad pynhiar mynsiem, kaba lah ban lam ruh sha ka jingiap.
Ka jingsumar ia kane ka jait jingpang kadei daka buit Whole Lung Lavage daka ba pynkhuid ia Tor bad ia une u nongpang la sumar hi daka buit Whole Lung Lavage lyngba ka General Anaesthesia ha NEIGRIHMS ha kaba ki Doctor kila pyndonkam haduh 7 litres ka Saline ban pynkhuid ia baroh artylli ki Tor da ki Doctor bad Technical Staff naka tnat Tuberculosis and Respiratory Diseases, Anaesthesia bad CTVS OT.
Hadien kane ka jingsumar, mynta ka kynti u nongpang u don hapdeng ka met kaba koit ba khiah bad ula mih ruh na Hospital.
Dr. Priyanka Dev, Associate Professor bad Dr. Dasara Nongbet, Senior Resident ha ryngkat ka kynhun naka tnat Department of Anaesthesiology kila pynbiang iaka anaesthesia bad u
Dr. Reuben Kynta, Associate Professor, Department of CTVS ula iadon bynta lang ha kaban puid.
Kane kadei ka jingjop haba iadei bad ka rukom sumar Pulmonary Alveolar Proteinosis hapoh ka thain shathei lam mihngi (North East) bad kane ka ai ruh ia ka jingkyrmen ia kino kino kiba don kum kane ka jait jingpang.
Pule ruh: Ioh tohkit ki Pulit haduh 10 sngi sa ia ki 4 ngut ki dkhot ka NLCN
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
 haka sien ba nyngkong hapoh ka jylla bad ka thain shathei lammihngi (North East) ki la lah ban sumar daka ba puid ia u nongpang ba don jingpang Tor ba kham niar bha (Rare Lung Disorder).){kind=link}