Shillong, Nailar 16 : U Myntri Rangbah ka Jylla Conrad K Sangma ha ka sngi Balang ula ong ba ka kam Sorkar ka dei kaba don da u pud, ta ka daw ka Sorkar Jylla kala pynleit jingmut ha kaban thaw ia ki lad ki lynti na ka bynta ki samla ba kin sengkam lajong bad ieng hala ki kjat.
Haba kren ha ka Rozgar Mela bala pynlong da ka NEHU, Shillong, u Myntri Rangbah ula ong ba ka Sorkar kala iohi ia ki sienjam kiba bun ha kaban tehlakam ia ka jingeh ha ka jingbym iohkam iohjam.
Ula kubur ba ki kam Sorkar bad ki kam jong ki agency ki don da u pud kaba ka jingkhein kam tam ia ka 1200-1500 ngut shisnem, khlem da khein ia ki kam bapher bapher, ki tnad Sorkar, ki division bad district selection.
Ula kdew ba wat hapdeng ki katto katne ki jingkylla, ka jingkhein jong ki kam ba lait ha ka shisnem ka iai neh kumba 1200.
U la ban jur ba la donkam ban shim ia ki sienjam bapher bapher ha kabn leh eiei halor kane ka jingeh.
Haba kubur ia ka jingdonkam ia ka skill development (ban pynjanai ia ka sap treikam) bad ka sap kren ia ki ktien bapher bapher, u Myntri Rangbah la kren halor ki lad iohkam jong ki nongshongshnong ka Jylla shabar ka Ri khamtam ha ki ri kum ka China, Japan, Germany, UK bad Australia.
Ula kdew ruh halor ka jingkut jingmut jong ka Sorkar ban iarap ia ki samla wadkam ha kaban pyntbit ialade ha ki sap kren ia ki ktien thylliej bad ka sap treikam ba ki don khnang ka lad ka lynti kan plie ia ki ba kin ioh ioh.
Pule lang ia kane: Plie u CM bad u Myntri iaki jingtei kam jngohkai ‘Travellers Nest’ ha Mawphlang
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
