Imphal, Nailar 3: Ka Ministry of Home Affairs (MHA) kala kyrpad ia ka Indigenous Tribal Leaders’ Forum (ITLF) ba kan pyn kynriah shuwa ia ka sngi leit ontep shisien tep ia ki metiap jong baroh ki briew kiba iap na ka thma iapher Jaidbynriew ha Jylla Manipur sha kiwei pat ki sngi.
Ka MHA kala phah da ka shithi sha ka ITLF haba kyntu ia baroh ba ki pynneh ia ka shongsuk shongsain haba kular ruh b aka Sorkar kan ym buhteng ha kaban pynbeit noh ia kane ka kam da ka jingiasngewthuh jingmut ka ban long kaba pynhun ia baroh ki kynhun hapoh ka hynniew sngi.
Ha kajuh ka por, ka ITLF kala mynjur ban pynjlan sa san sngi ia ka sngi tep ia ki 35 ngut ki briew ba shah pyniap ha kane ka thma iapher jaidbynriew namar kane ka jingkyrpad jong u Myntri ka tnad kam Pohiing Amit Shah.
Ka jingleit tep ia ki metiap jong ki 35 ngut kan long ha S Boljang kaba don marjan ka Haolai Khopi ha Churachandpur District.
Ha kawei pat ka liang, ka ITLF kala buh ruh ia san tylli ki mat jingdawa ba kynthup ia ka jingithuh noh da ka ain ia ka lum jingtep ha S Boljangjong ka Churachandpur District, ka jaka kaba kin tip ia kine ki 35 ngut kiba shah pyniap.
Kane ka kynhun ki paid riewlum kala dawa ruh ba ym dei ban phah ia ki bor pahara kiba dei na ka jaidbynriew Meitei ha ki District bas ah bun da ki paid Kuki-Zo na ka bynta ka jingshngain jong ki.
Nalor kane,kala kyntu ruh ba ia ki metiap jong ki Kuki-Zo ba don ha Imphal, ba kin wanrah noh sha Churachandpur bad ia ki ba shah set koidi ha Imphal ruh ban pynkynriah noh sha kiwei ki Jylla na ka bynta ka jingshngain jong ki.
Pule ruh: Dawa ka RBYF ia ka Sorkar ban weng ia ki jingduna ha Umsning CHC
 kala kyrpad ia ka Indigenous Tribal Leaders’ Forum (ITLF) ba kan pyn kynriah shuwa ia ka sngi leit ontep shisien tep ia ki metiap jong baroh ki briew kiba iap na ka thma iapher Jaidbynriew ha Jylla Manipur sha kiwei pat ki sngi.){kind=link}