Shillong, Naitung 26 : Ka Meghalaya Legislative Assembly kan pynlong ia ka 20th Annual Conference jong ka Commonwealth Parliamentary Association (CPA), lndia Region, Zone III ha Shillong naduh ka 28 tarik Naitung haduh ka 1 tarik Nailar.
Ia kane ka conference yn pynlong ha Meghalaya Legislative Assembly Building ha Rilbong, Shillong bad yn wan plie ia ka da u Lamphang ka Lok Sabha Om Birla ha ka jingiadonlang u Deputy Chairman ka Rajya Sabha Harivansh Narayan Singh.
Baroh ki Lamphang, symbud Lamphang jong ki phra tylli ki Jylla ka thain Shatei Lam Mihngi kin wan ban iashimbynta ha kane ka conference.
Ki Nongialam ka Liang Pyrshah, Myntri ka Parliamentary Affairs, katto katne ngut ki MLA bad MLA na baroh phra tylli ki Jylla ka thain Shatei Lam Mihngi ruh la khot sngewbha ba kin wan iashimbynta.
Kan sa don ruh ka jingialang jong ka Executive Committee ki Lamphang, Symbud Lamphang bad ki Commissioner & Secretary jong ka CPA India Region Zone III ha ka 29 tarik Naityng ha Marriott Hotel, Shillong.
Kan don ruh ka Plenary Session Discussion ha ka 29 bad 30 tarik halor ka phang – Natural Disasters and strategies for management with special reference to North East Region bad ka Regional connectivity to bring North-East Region at par with mainland lndia.
