Shillong, Naitung 24: Ki nongtrei ka 108 Emergency – ka Meghalaya Emergency Management and Research Institution Workers Union (MEMRIWU) hynne ka sngi Nyngkong, kila dawa naka Myntri ka tnat ka koit ka khiah kong Ampareen Lyngdoh ban bthah iaka tnat National Health Mission (NHM) ba kan pynbiang iaka tulop bad kiwei kiwei de ki lad jingmyntoi iaki nongtrei 108 ka jylla.
Haba kren sha ki lad pathai khubor u President ka MEMRIWU bah Roikupar Kharraswai ula kam ba naduh ba shimti ka tnat NHM, ki nongtrei 108 kim da ioh biang por iaka tulop bad ki shah pynduh ruh ki lad jingmyntoi naduh ka shuti khamtam ka shuti kha khunlung (Maternity Leave).
“Haka jingialang ngi la iakren bad ka Myntri ban bthah iaka NHM bakan pynbiang iaka tulop ki nongtrei bad ban kynthup ruh kiwei ki lad jingmyntoi iaki para nongtrei kiba la kyrshan met bad mynsiem ban pynbiang ia ki lad jingsumar n aka bynta ki paidbah” ong u bah Roikupar.
Ula ong ba watla ka tnat NHM kam dei kaba khmih naka bynta ka jingmyntoi ki nongtrei 108 hynrei kum ki nongtrei ka tnat ka koit ka khiah kiba hakhmat eh, ki ialeh katba lah ban pynthikna ba ki lad jingsumar ki long kiba thut naka bynta ka jingmyntoi u paidbah.
Ula iathuh ba ka sorkar lyngba ka NHM mynta ka la pyniaid ia kane ka kam kumba 11 bnai bad kane ka paw shai ba naka liang ka sorkar kam don jingeh shuh ban pyniaid ia kane ka kam haka jingiatreilang bad ka Union.
.){kind=link}