Iakhih ka JSM hakhmat ka JHADC ba leh khyrdop khajna be-ain ka KAAC ha Khanduli

Shillong, Naitung 10 : Ka Jaintia Students Movement (JSM) hynne ka sngi Nyngkong, kila pynlong ia ka jingiakhih pyrshah ia ka Jaintia Hills Autonomous District Council (JHADC) hakhmat ka khyrdop ka Council ban pynpaw ia ka jingsngewkhia halor ka jingpynieng khyrdop be-ain ka Karbi Anglong Autonomous Council (KAAC) ha shnong Khanduli.

Ka JSM kala shim ia kane ka lynti jong ka jingiakhih halor ka nongrim ba kane ka khyrdop ka KAAC ka dang hap hapoh u pud u sam ka JHADC bad ka Jylla Meghalaya.

Ki Nongialam ka JSM kila ong ba kane ka khyrdop lum khajna ym tang ba ka kyntur ia u pud u sam jong ka Jylla hynrei wat jong ka Jylla ruh kumjuh.

Kila ong ba kila ju iai dawa na ki bor khmih ba kin weng ia kane ka khyrdop ba be-ain hynrei kam shym la seisoh satia bad namar kata, ka seng kan iai bteng ban iakhih pyrshah ia ka jinglong kuman ka Council ha kine ki sngi ban dang wan.

Lah ban kdew ba ka JSM ha ka 3 tarik Jylliew, kala iakynduh ia ka Karbi Students’ Union ha Guwahati bad iakren ha kaban pyrshang pynbeit noh ia kino kino ki ishu da ka jingiasngewthuh lang.

Pule lang ia kane: Tam ki Pulit ia ka metiap bym don khlieh ba per ha pung Umiam