Shillong, Naitung 10: Ki Pulit ka Anti Narcotics Task Force (ANTF) ka East Khasi Hills hynne ka sngi kila kem ia uwei u samla Khasi uba donkti ban pynpoi ia u Drugs sha Tura, West Garo Hills.
Une u samla u kyrteng u Bryan Nongmor ba 25 snem ka rta, uba shong ba sah ha Laitkor Rngi.
Kat kum ka jingiathuh u Superintendent of Police (City) ka East Khasi Hills, Bah Vivek Syiem, ia une u samla lah ioh kem da ka jingpyntip ki pulit ka West Garo Hills, hadien ka jing pynthikna ba u dei u nongpynpoi ia u drugs ba ioh kurup na Tura hynne hi ka step sngi U Blei.
Pule ruh ia kane: Kem ki pulit ia 2 ngut ki samla ba khaii drugs ha Tura
Ki pulit ka Tura kila register case ia Kane ka jingioh kurup drugs ha Tura PS hapoh ka kyndon 21(b)/25/27/29/30 NDPS Act.
Ki pulit ka ANTF ka EKH, kila khynra ia ka iingsah une u samla ha Laitkor bad ioh kurup ia 10tylli ki tin duma ba thylli, shitin uba don heroin ba khia 0.69 gram, kawei ka synduk sabon ba don ka song heroin ba 3.74 gram bad kawei ka mobile phone.
U drugs heroin ba lah ioh kurup u khia 4.43 gram baroh lang. Ki pulit ANTF kila register ia kane ka case ha Madanrting Police Station hapoh ka lyndon NDPS act.
