Shillong Jylliew 28: U Myntri Rangbah ka jylla Conrad K Sangma hynne ka sngi Balang ula leit jurip iaka Don Bosco Technical School, Shillong bad sam ia ki Certificate bad Appointment Letter sha ki samla kiba la pyndep ia ka jingpule ka jong ki.
Haba iakren bad kine ki samla pule u Conrad K Sangma ula ong, “Nga lah ban iohi ia ka durkhmat jong ka jingtrei shitom bad jingthaba bad ka jingthrang jong phi baroh ban leh eiei bad kane ka long kaba kongsan tam haka jingim bad ka bynrap ba ki samla kidei ki borbah jong ka jylla bad kari hynrei ki don pat ki jingtynjuh ban pyndonkam ia ki samla ha ki kam ki bapher bapher kiba long haka lynti kaban tei”.
Ula ong, ba ka sorkar ha ki snem kiba la leit kala iaid ha kata ka lynti ban pynwandur iaka map da ka jingstad saïan iaka jingdonsap ki samla kaban iarap ha kaban kyntiew ia ka ioh ka kot jong ka jylla bad ban pynneh ia ka lawei.
U Myntri Rangbah ula iaroh iaka Don Bosco Technical School ia u synniang uba kala noh sha ka imlang sahlang.
“Ka jingbun ki samla kiba la pass na kane ka jaka pule ka kham heh shuh shuh haba kynthuplang ia ka jingpass jong kiwei pat ki Technical School kiba don ha ka jylla bad nga ai khublei iaka Don Bosco Technical School ia ka kam kaba khraw kaba kala leh” ong u Conrad.
Ula ong ba ka sorkar kala buh iaka thong ban thaw haduh 5 lak tylli ki kam ha ki liang bapher bad pynthikna ba ka sorkar kan iatreilang bad ka Don Bosco Technical School ha ka lynti kaba heh ban pynurlong ia katei ka thong.
“Ka Don Bosco Technical School kan dei ka kynhun kaba heh kaban iatreilang bad ka sorkar jylla ban kyrshan bad ban iarap mar kylliang bad ban pynheh iaka thong bad iaka jingangnud kaba ngi ia don lang bad ban lah ruh ban pynurlong ia katei” ong u Myntri Rangbah.
Ula kyntu ruh ba dei ban kyntiew ia ka Technical School bad ban pyniar shuh shuh ia ka jingai jinghikai ban iaid katkum ka jingdawa ka por bad ki kor ki bor.
U Myntri Rangbah ula iakren ruh bad ki samla pule bad jubab ruh ia ki katto katne tylli ki jingkylli ha kaba iadei bad ka sap ka phong, ka iohkam iohjam bad ki polisi treikam jong ka sorkar jylla na ka bynta ki samla.
It is imperative upon the Government to ensure that our youth are empowered with skill and technical education, so that we create an ecosystem wherein our youth are employable.
Acknowledge the commendable services being rendered by Don Bosco Technical School, Shillong to… pic.twitter.com/a5aJ6qHeBj
— Conrad K Sangma (@SangmaConrad) June 28, 2023
