Rakhe ka DMO bad RAWA ia ka National Dengue Day bad Anti Malaria Month

Nongpoh, Jylliew 18: Ka District Malaria Ophisar ha ka sngi Saitjian, ha ryngkat ka Ri Bhoi Area Welfare Association “RAWA” ki la rakhe ïa ka National Dengue Day ha Umsning bad ka “Anti Malaria Month” da kaba pashat ïa ka khubor shaphang ka jingpang Malaria bad Dengue lyngba ka Drama Lyngkot jong ka kynhun ka RAWA.

Ki Nongkren kiba la wan ai jingkren ki kynthup ia u Bah Pynshailang Kharkongngor, Division of Vector Borne Diseases, Consultant Ri Bhoi District ha ka jingiadonlang ruh ka Kong Balakyntiew Umbah, Principal ka Sati Raja Memorial SS nalor kiwei kiwei ki nonghikai bad khynnah skul

Lyngba ka Drama lyngkot naka kynhun jong ka RAWA la ïoh ban pashat jingmut sha ki paidbah ba kim dei ban buh pathar ïaki tiar ki tar haki jaka kiba lah ban ailad ïa u kaiñ pyrjong ban kha roi bad barabor dei ban pynkhuid bha ïaki sawdong sawkun jong ka ïing khnang ba u Kaiñ pyrjong un num ïoh lad ban shong bad ban kha pylleng.

U Bah Pynshailang Kharkongngor ula batai shai halor ki daw jong ka jingïoh ïaka jingpang Malaria bad Dengue bad naka liang jong une u ophisar u la batai ruh ïaki lad ki lynti kumno ba ngin lait na kane ka jingpang ka ba shyrkhei bha ha kine ki por.

Pule ruh: Sikkim : Ai jingiarap ki shipai sa 30 ngut ki Nongshangkai pyrthei na Chungthang