Shillong, Jylliew 18 : Ki Pulit ka West Jaintia Hills kila kem ia uwei u briew ba 31 snem u Enrysing Marbaniang na Mairang halor ka jingkynnoh donkti ban leh khlemakor bad shoh dusmon ia kawei ka Khynnah skul ha West Jaintia.
Haba pynrem ia kane ka jingjia, ka Rongmei Phwan (Society), Shillong ha ka kyrwoh bala pyllait ha ka sngi Saitjain kala ong ba katba kane ka Khynnah ka dang don marwei ha Iing ha ka 15 tarik, une u briew ula leit rung jubor bad leh khlemakor bad shoh ia ka haduh ba kala mynsaw jur.
Kane ka Khynnah kala mynsaw jur na ki bynta ka durkhmat, ka ryndang bad u budlum. Ia kane ka khynnah lakit noh sah Civil Hospital, Jowai ban ai jingsumar hynrei hadien la pynkynriah sha NEIGRIHMS ban ioh ia ka jingsumar ba paka.
Haba dawa ia ka jingpynsajia ba tyngeh, ka RPS kala ong “Halor kane ka kam ba itriem, une u nongleh bymman u dei ban ioh ia ka jingpynsajia kaba tyngeh bha kat kum ka ain”.
KaSociety kala ai ka jingshaniah ha ka Tnad Pulit ba kan pynioh ia ka jingbishar kaba hok ia kane ka khynnah.
Pule ruh: Dep injek palat 20,000 ki masi ban iada ia jingsaphriang ka jingpang LSD
