Shillong, Jylliew 5: U Myntri Rangbah ka Jylla Conrad Sangma hynne ka sngi Nyngkong, ula leit buh syntiew ban kynmaw burom ia ki Pulit na kylleng ka Jylla ka Ri ha ka National Police Memorial, ha New Delhi, Chanakyapuri.
Haba buh ia ki dur ban pyni paidbah ha ka twitter, u Conrad ula ong “Ngi salute, burom bad dap da ka jingsarong halor ka jinglen lade jong ki khla wait kiba iap ha kaban iada ia ka jingialong kawei ka Ri”.
Ula ong ruh, “Ka kynroh ki riewshlur (Wall of Valour) ha ka National Police Memorial ka don ia ki kyrteng jong ki khla wait kiba la pha la ka jingim ha ka kam. Sngew sarong bad sngew burom ban iohi ia ka kyrteng jong ki Pulit ka Jylla Meghalaya ruh kumjuh”.
Ia u Myntri Rangbah ka Jylla la synran da u Myntri ka Tnad Pule Puthi, Myntri Bording, DGP ka Jylla bad kiwei kiwei ki heh Ophisar.
