Shillong, Jymmang 01: Ka jylla Meghalaya kala sakhi iaka jingkiew ka jingioh lum khajna haduh 23% naka Good & Services Tax (GST) bala lum ha u bnai Jymmang 2023.
Ha u bnai Jymamng 2023, ka jylla kala ioh lum haduh T.214 klur ka khajna lyngba ka GST bad ha u bnai Jymmang 2022 ka jylla kala ioh lum tang T.174 klur bad kane ka pyni iaka jingkiew ka jingioh lum khajna naka GSP haduh 23%.
Ka jingiohlum khajna naka gross Good & Services Tax (GST) jong u bnai Jymmang 2023 kadei T.1,57,090 klur ha kaba ka CGST kadei T.28,411 klur, ka SGST kadei T.35,828 klur, ka IGST T.81,363 klur (da khien lang T.41,772 bad ioh lum naki mar ba wan kit na shabar) bad ka Cess T.11,489 klur (da khien lang T.1,057 klur ba ioh lum na ki mar ba khaii shabar).
Ka sorkar kala ai T.35,369 shaka CGST bad T.29,769 klur shaka SGST naka IGST bad baroh ka jingioh lum ka sorkar pdeng bad ka sorkar jylla jong u bnai Jymmang 2023 ka long T.63,780 klur naka CGST bad T.65,597 klur naka bynta ka SGST.
Ka jingiohlum khajna jong u bnai Jymmang 2023 kala kiew 12% lada nujor iaka GST bal alum ha u juh u bnai ha 2022 bad ha une u juh u bnai ka jingioh lum khajna naki mar ba wankit na shabar ka kiew 12% bad ka jingiohlum naka jingiakhaii hapoh ka jylla ka long 11% palat ban iaka jingiohlum ha u snem 2022.
