Tura, Jylliew 01 : U Myntri Rangbah ka Jylla Conrad K Sangma, yn pynlong ia ka jingialang bad ki kynhun bapher bapher ka Ri-lum Garo ha ka 3 tarik Jylliew ban iatai halor ki kam ba iadei bad ka Roster System.
Ia kane ka jingialang yn pynlong ha Tura Circuit House ha ka por 11:30 baje mynsteo, ong ka kyrwoh na ka Sorkar.
Kane ka rai ban pynlong ia ka jingialang kala mih hadien ba ki kynhun na Sengbhalang kila kyntait ban iashimbynta ha ka jingialang jong ki kynhun sengbhalang kaba la buh ban pynlong ha Shillong.
Katto katne na ki kynhun kiba khmih lynti ban iashimbynta ha kane ka jingialang bad u Myntri Rangbah ki kynthup ia ka Garo Students Union, ka Garoland State Movement Committee, Mothers Union of Tura, A’chik Holistic Awakening Movement, All India Garo Union, Association for Democracy and empowerment, A’chik Youth Welfare Organization, Federation for A’chik Freedom, All A’chik Youth Federation, A’chik Organization for Social Welfare bad ka Niksamso Garo Community Organization.
