Shillong, Jymmang 22: Ka Khasi Student Union (KSU) NEHU unit hynne ka sngi kala khang tala iaka ophis treikam u vice chancellor (VC) u Prof. Prabha Shankar Shukla jong ka skulbah NEHU halor ka jingkuman iaki jingdawa.
Ia kane ka kala leh namar ka jingkuman ka jong u VC ban pynbiang iaki jingdonkam jong ki samla pule ka skulbah NEHU ha ki bun ki liang naduh ka Bus, ka jingbym lah ban pynbiang ia ki jingdonkam hapoh Hostel bad kumta ter ter kiba ka seng ka lah buh jingdawa la haman ki por ba ka iakynduh bad u VC.
Ka seng hynne ka sngi ka lah leit ban kynduh ia u VC ban iakren halor ka jingslem ban pynurlong iakitei ki jingdawa hynrei nakadaw ka jingbym treh u VC ban iakynduh ka lah pynlong iaka seng ban khang shi syndon iaka ophis treikam.
Haka juh ka por ka seng kala pynpaw ba kan nym treh shuh ban iakynduh ia u VC tad ynda u VC u lah pynurlong iaki jingdawa ba ka seng ka lah buh ha khmat jong u naka por shaka por.
