Shillong, Jymmang 12 : Ka jingiakynad hapdeng ki jaidbynriew Karbi bad ki Pnar ha Khanduli, kala sdang kyan mynta ha Nongbah Shillong da ka jingleit kawang petrol bomb ki runar ia ka Karbi Bhavan kaba don marjan ka skul Pine Mount.
Kane ka jingjia kala jia hynnin ka miet sngi palei hynrei kam shym la don pat kano kano ka jingujor ejahar halor kane ka jingjia.
Haba pynthikna ia kane, u Superintendent of Police ka East Khasi Hills Bah Sylvester Nongtnger ula ong ba haduh mynta ym pat don satia ka jingujor ejahar halor kane ka jingjia.
Hynrei ula pyntip ba ki Pulit ki dang pynlong ia ka jingohkit ban ioh kem ia ki briew kiba donkti halor kane ka jingleit kawang petrol bomb.
Kane ka jingjia kala jia hadien ka jingkulmar kaba mih hapdeng ki Karbi bad ki Pnar ha shnong Khanduli, West Khasi Hills, kaba jia hynnin ka sngi Palei.
Kane ka jingkulmar kala poi sha ka jingialum maw bad ka jingiashoh nalor ka jingwiang ding ia artylli ki sem phlang.
