Nongpoh, Jymmang 02 : Ki Pulit ka Anti Narcotics Task Force (ANTF) ka Ri-Bhoi District, hynnin ka miet kila ioh kem ia 4 ngut ki snar nongkhaii droks na Umling bad ioh kurup ia u droks heroin ba shongdor haduh T. 20 lak.
Ka ANTF kala pynap shrip ia kine ki nongkhaii ha Umling hadien ka jingioh khubor ba kin don ki samla ba wan da ka kali local tourist na Jorabat sha Nongpoh, Ri-Bhoi ryngat bad u heroin.
Ka ANTF kala ioh kem ia 5 ngut na kane ka kali kynthup kawei ka Kynthei bad ha ka jingtalasi, kala ioh ban kurup ia u droks ba shongdor haduh T. 20 lak, 11 tylli ki thirnia, 4 tylli ki mobile phone, ka pisa ba T. 15,550 lem bad ka kali ba ki pyndonkam.
Ia kine ki briew la register case ha Byrnihat Police Station hapoh ki kyndon ka NDPS Act.
Ka jingtohkit mynta kala iaid shakhmat.
Pule lang ia kane: Assam: Khlad u shipai ha ka jaka hikai siat suloi ha Darrang
