Shillong, Jymmang 02 : Ki pulit ka Pastuer Beat House, hynnin ka sngi Nyngkong, kila ioh kem ia uwei u Nongkhaii droks na Polo bad ioh kurup haduh 17 tylli ki bilor plastic barit (vials) ba don u heroin.
Une u nongkhaii u kyrteng u Vishal Kupar Marngar ba 30 snem na Nongstoin Mawkawah bad uba shong ba sah ha Garo Bazaar, Polo.
Ki Pulit ka Pastuer BH kila bat ia une u briew halor ka jingsuba khaii droks bad ha ka jingtalasi, kila lap shisha ia u drok heroin bad ka pisa ba T. 480.
Ia une u briew la register case ha Sadar Police Station hapoh ki kyndon ka NDPS Act. Ka jingtohkit mynta kala iaid shakhmat.
