SHILLONG, Iaiong 27: U Myntri Rangbahduh ka ri India Narendra Modi un plie iaka 91 FM transmitters jong ka 100 W haka 28 tarik mynta u bnai lyngba ka Video Conferencing kum shi bynta ban nang pynkhlain shuh shuh iaka bor Radio hapoh ka ri India.
Ha Meghalaya ki FM Transmitters ban plie thymmai ki kynthup ha Nongstoin bad ha Williamnagar bad ka FM Transmitter kaba don hapoh ka Community Radio Station (CRS) ha Nongstoin kan dei ka 100.1 MHz FM Band katba ka ba ha Williamnagar kan dei ka 100.9 MHz FM Band.
Kine ki 100W Transmitter kin treikam haduh 400 Sq. km bad kin lah ban wanrah ki program naduh ki prokram pynbyrnia, ki lad jinghikai bad kiwei kiwei de ki program ha ki shnong marjan.
Kum shi bynta ban plie ia kine ki Radio Staion naka liang u myntri rangbah ka jylla u Conrad K Sangma un don bynta lyngba ka Video Conferencing ha ka por plie iaki Radio Station ha Nongstoin bad Williamnagar ha ka jingdon lem ki riew kongsan ha kine artylli ki jaka.
Pule lang ia kane: Iakynduh ka HITO ia u DMHO halor ka jingaiti ïa 15 tylli ki Sub-Center sha ka HANS
Naka liang ka sorkar pdeng ka don ka thong ban pynkhlain shuh shuh iaka bor Radio hapoh ka ri India bad kane ka jingplie thymmai iaki 91 tylli ki 100 W FM transmitters ha ki 84 tylli ki districts jong ki 18 tylli ki jylla bad 2 tylli ki Union Territories kan nang pynkhlain shuh shuh iaka bor Radio.
Ki jylla bad ki Union Territories ki ban ioh ia ka Radio thymmai ki kynthup ka jylla Bihar, Jharkhand, Odisha, West Bengal, Assam, Meghalaya, Nagaland, Haryana, Rajasthan, Uttar Pradesh, Uttarakhand, Andhra Pradesh, Kerala, Telangana, Chhattisgarh, Gujarat, Madhya Pradesh, Maharashtra, Ladakh bad ka Andaman & Nicobar Islands.
Lyngba kane, ka AIR’s FM kan wanrah ka jingshakri sha ki 2 klur tam ki briew hapoh ka ri ki bym pat ju ioh mad iaka bor Radio ki ban treikam sha ki jaka ba heh haduh 35,000 sq km.
U Myntri Rangbahduh ka ri India u don ka jingngeit ba skhem ba ka bor Radio ka don iala ka kamram ban shakri iaki paidbah bad dei namar kane u myntri rangbahduh u iai pyndonkam iaka program Mann Ki Baat programme kaba la iaid 100th episode.
Pule lang ia kane: Hiar jurip u CM ia ki project ba dang pyntrei ha Tura kynthup ka Medical College
