Shillong, Iaiong 25: U Nongiasaid ain ba paw ka jylla Bah V.G Kynta hynne ka sngi Nyngkong, ula ong ba ka lynti kaba paka eh ban kyndang ia ki briew kiba shong ba sah ha Them Metor, Them Iew Mawlong ka dei tang da ka jingiakhun mukotduma halor ka hok longtrai ia ka jaka puta ne Civil suit.
Haba sot ia ka hukum jong u Single Judge ka Iingkashari Meghalaya High Court Retd Justice SR Sen uba la la kynthoh ha ka hukum ba lada donkam ban kyndang ia ki briew ha Them Metor ha Them Iew Mawlong, dei ban iakhun da ka mukotduma halor ka hok longtrai ia ka jaka puta.
Phin leh katba leh hynrei ka shitom bha ban weng iaki ba sah ha Them Iew Mawlong namar ka jingia kam trai iaka jaka ka long haduh khyndai shah bad dei namar kane donkam weng iaki daka mukotduma halor ka jaka puta” la ong u Advocate Kynta.
Pule lang ia kane: Iakynduh u nonglamktien ka Japan ia u CM ka Nagaland u Rio, kyrmen ban kyntiew ia ka jingiadei
U Advocate Kynta ula ong ba jingkam trai iaka jaka da ki briew ba sah ha Them Iew Mawlong ka long ka ba khlain bha bad dei namar kane ka eh bha ban iakhun pyrshah da ki briew ki bym lah ban kam trai iaka jaka.
Ula ong ba ki (Harijan) ba sah ha Them Iew Mawlong kila im ha kato ka jaka da ki phew snem bad kan eh bha ban ithuh mano kita kiba la ithuh kum ki nongshong shnong bad mano kita kiba sah beain.
Kum ban shu pynkynmaw ba ka sorkar jylla kala phah da ka Blueprint lane ka Plan sha ka Harijan Panchayat Committee (HPC) haba iadei bad ka jingthmu ban pynkynriah iaki 342 tylli ki longing hynrei naka liang ka HPC kala kyntait iaka Blueprint daka ba ong ba ka long ka ba nohshilliang, kaba pyrshah iaka longbriew man briew bad kadei ka bym pat dep hok.
Pule lang ia kane: Ai dorkhas ki lai Seng sha u Myntri halor ka jingpynlip bording ka MeECL ha Ri-Bhoi
