Shillong, Iaiong 25: Ki lai seng na Ri-bhoi district ba kynthup iaka seng Meghalaya People’s Social Organization (MPSO), ka Ri-bhoi Youth Organization (RBYO) bad ka Meghalaya People’s United Front (MPUF) hynne ka sngi kila phah daka dorkhas sha u Myntri ka tnat bording A.T Mondal halor ka jingbym pynbeit thikna ia ki kynta pynlip bording lane ka Load Shedding hapoh ka district baroh kawei.
Lyngba ka dorkhas ki lai seng kila pynpaw ba ka jingot bording ha Ri-bhoi district ka long ka bym iahap namar kam shym la don ka jingpynbeit iaki kynta, lane katno kynta shisngi bad ha kano ka por ba dei ban pynlip bording.
Kila pynpaw ba kane ka jingpynlip bording ka ba khlem pynbeit por ka ktah bha iaki paidbah ka them Ri-bhoi khamtam iaki samla kiba pynkhreh iaki jingpule.
Ki lai seng kila dawa na u Myntri ban bthah iaka tnat sam bording ba kan pynmih daka jingpyntip lane ka Notice haba iadei bad ka rukom pynlip bording lane iaki kynta bad ha kano ka por ba pynlip bording ha Ri-bhoi district baroh kawei.
