Shillong, Iaiong 05: Ka National Sample Survey office, Field Operations Division (NSSO(FOD)), Regional Office, Shillong bad ka Ministry of Statistics & Programme Implementation (MoSPI), bad Byrnihat Industries Association, hynne ka sngi kila pynlong iaka Annual Survey of Industries ( ASI)-2021-22 ha Maithan Alloys Ltd kaba ar sngi.
Ha katei ka jingialam la wan ban iashimbynta da 30 tylli ki karkhana ba don ha ka thain Byrnihat.
Ha katei ka jingialang la ai jingtip shaphang ki jingkhein jingdiah ban peit bniah ia ki jingkylla ha ka roi ka par bad ka jinglong jong ki kam shna mar kynthup ki kam ba iadei bad ka jingshna tiar, ki kam maramot, gas bad jingpynpoi um bad ka jingbuh pyndait thah bad kiwei kiwei.
Kane ka jingjurip ka ai jingtip ba kongsan ban khein ia ka Gross Domestic Product (GDP) jong ka ri.
La pynlong ia ka jingjurip shisien shi snem hapoh ki kyndon jong ka Collection of Statistics (COS) Act, 2008 (kumba la pynkylla ha u 2017) bad ki kyndon hapoh ka aiñ ba la wanrah ha u 2011.
Haba ai jingkren u N. Mohondas Singh, Joint Director & Regional Head, NSSO(FOD), RO Shillong ula ban jur ia ka jingdonkam jong ka ASI ha ka jingkhein ia ka GDP jong ka ri bad ula kyrpad ia baroh ki karkhana na ka bynta ki jingpynkhreh hi bad ban phah ha ka por ia ki jingsiew bad kito kiba iaid lait ia kane ki lah ban shah pynshitom katkum ki aiñ ba la saindur hapoh ka Statistics Act 2008.
U P.K. Mishra, Director, Maithan Alloys Limited ula ai khublei iaka jing pynlong ia kum kane ka jingialang bad ula kyrpad ia baroh ki karkhana ban phah ha ka por ia ki jingsiew ban lait na kano kano ka jingshah pynshitom katkum ka aiñ pyrshah ia kito kiba iaid lait bad ban ai ka jingiatreilang bad ki ophisar kiba wan jngoh ia ki karkhana.
